1. Navigation
  2. Inhalt
REVOSax - Recht und Vorschriftenverwaltung Sachsen

VwV prawopis na šulach

Vollzitat: VwV prawopis na šulach vom 10. April 2014 (MBl.SMK S. 135), zuletzt enthalten in der Verwaltungsvorschrift vom 11. Dezember 2017 (SächsABl.SDr. S. S 409)

Zarjadniski předpis

Sakskeho statneho ministerstwa za kultus
k płaćiwosći Hamtskeho rjadowanja němskeho prawopisa a Prawopisneho słownika hornjoserbskeje rěče na zjawnych šulach w Swobodnym staće Sakska
(VwV prawopis na šulach)

Z dnja 10. apryla 2014

Na zakładźe wobzamknjenja Konferency kultusowych ministrow z dnja 2. měrca 2006 wo wobchadźenju z Hamtskim rjadowanjom němskeho prawopisa na šulach a na zakładźe Zakonja wo prawach Serbow w Swobodnym staće Sakska (Sakski Serbski zakoń – SächsSorbG) z dnja 31. měrca 1999 (SächsGVBl. str. 161), kotryž bu posledni raz přez artikl 59a zakonja z dnja 27. januara 2012 (SächsGVBl. str. 130, 149) změnjeny, kaž tež postajenja Sakskeho statneho ministerstwa za kultus wo dźěle na serbskich a druhich šulach w němsko-serbskej kónčinje z dnja 22. junija 1992 (SächsGVBl. str. 307) postaja statne ministerstwo za kultus slědowace.

I.
Wobłuk płaćiwoscóe

Tutón zarjadniski předpis płaći za wšitke zjawne šule w Swobodnym staće Sakska.

II.
Němski prawopis

1.
Hamtske rjadowanje němskeho prawopisa we wersiji lěta 2006 z dodawkami Rady za němski prawopis w rozprawje z decembra 2010 je zawjazowacy zakład němskeho prawopisa na wšěch zjawnych šulach.
2.
Konkretna płaciwa wersija prawidłow a zapisa słowow je na internetnej stronje Instituta za němsku rěč přistupna (http://www.ids-mannheim.de/service/reform/regeln2006.pdf, http://www.ids-mannheim.de/service/reform/woerter-verzeichnis2006.pdf und http://www.ids-mannheim.de/laufend/Sprachprojekt/pdf/gr11-extra/pdf).
3.
W dwělnych padach tworja słowniki zakład, kotrež po wuprajenju nakladnistwa aktualnemu stawej hamtskeho rjadowanja (staw 2006 z dodawkom z julija 2011) dospołnje wotpowěduja.

III.
Serbski prawopis

1.
Prawopisny slownik hornjoserbskeje rěče Pawoła Völkela, wobdźěłany wot Tima Meškanka, 5. wobdźěłany a sylnje změnjeny nakład 2005, je zawjazowacy zakład serbskorěčneje wučby na wšech šulach.
2.
Wšitke wučbnicy a wučbne materialije za předmjet serbšćinu a za serbskorěčnu wučbu w druhich předmjetach maja nowym rjadowanjam wotpowědować.
3.
Wužiwaja-li so wučbnicy, kotrež postajenym prawidłam Prawopisneho slownika hornjoserbskeje rěče, 5. nakład 2005, hišće njewotpowěduja, maja so šulerki a šulerjo na to skedźbnić.

IV.
Nabywanje płaćiwosce a kónc płaćiwosće

Tutón zarjadniski předpis nabywa dźeń po swojim wozjewjenju płaćiwosć. Zdobom skónči so płaćiwosć zarjadniskeho předpisa Sakskeho statneho ministerstwa za kultus k wobchadźenju z Hamtskim rjadowanjom ně'mskeho prawopisa płaćaceho wot 1. awgusta 2006 (RS-VwV 2006) z dnja 24. julija 2006 (MBI. SMK str. 342), naposledk wobstatk zarjadniskeho předpisa z dnja 11. decembra 2013 (SächsABl. SDr. str. S 895), kaž tež zarjadniskeho předpisa Sakskeho statneho ministerstwa za kultus k płaćiwosći Prawopisneho słownika hornjoserbskeje rěče a k wobchadźenju z tam zapřijatymi noworjadowanjemi we wučbje na powšitkownje zdźěłowacych šulach w Swobodnym staće Sakska (RS-SorbVwV) z dnja 16. awgusta 2006 (MBI. SMK str. 428), naposledk wobstatk zarjadniskeho předpisa z dnja 11. decembra 2013 (SächsABl. SDr. str. S 895).

Drježdźany, dnja 10. apryla 2014

Sakske statne ministerstwo za kultus
Herbert Wolff
statny sekretar

Marginalspalte

Verweis auf Bundesgesetze

    Fundstelle und systematische Gliederungsnummer

    MBl.SMK 2014 Nr. 8, S. 135
    Fsn-Nr.: 710-V14.5

    Gültigkeitszeitraum

    Fassung gültig ab: 8. August 2014
    Fassung gültig bis: 31. Dezember 2019